Русија и САД постигнаа договор: Американската кошаркарка Бритни Грајнер заменета за Русинот Виктор Бут

Грејнер е во авион на пат за САД, изјави претседателот Џо Бајден кој телефонски разговарал со кошаркарката

Американската кошаркарка Бритни Грајнер, осудена во Русија поради обвинение за шверц на дрога, била разменета за Русинот Виктор Бут, кој во САД е осуден на 25 години затвор под обвинение за нелегално снабдување со оружје, објави Си-ен-ен.

Од руското Министерство за надворешни работи потврдија дека се случила размената. Процедурата била спроведена денеска на аеродромот во Абу Даби. Бут веќе се врати во Русија, соопшти Министерството.

Грејнер е во авион на пат за САД, изјави претседателот Џо Бајден кој телефонски разговарал со кошаркарката.

Moments ago I spoke to Brittney Griner.

She is safe.
She is on a plane.
She is on her way home. pic.twitter.com/FmHgfzrcDT

— President Biden (@POTUS) December 8, 2022

Си-ен-ен забележува дека друг Американец – Пол Вилан, осуден во Русија под обвинение за шпионажа – не бил вклучен во постапката за размена. Неговиот адвокат рече дека Американецот останува во затворската колонија и дека разговорите за прашањето за неговата размена ќе продолжат.

The post Русија и САД постигнаа договор: Американската кошаркарка Бритни Грајнер заменета за Русинот Виктор Бут appeared first on 360 степени.