КРЕМЉ: Зеленски може утре да ја заврши војната ако тоа го сака

Русија денеска соопшти дека останува на украинскиот претседател Володимир Зеленски да стави крај на војната во Украина.

„Зеленски знае кога војната би можела да заврши. Може да заврши утре ако сака“, рече Дмитриј Песков, портпарол на Кремљ.

Кремљ долго време вели дека Украина мора да ги прифати руските услови за завршување на војната, која сега е во десеттиот месец. Русија побара Киев да го признае Крим и другите окупирани територии како дел од Русија.

Зеленски и другите украински официјални лица постојано ги отфрлаа тие услови и рекоа дека војната ќе заврши кога Украина ќе ги ослободи окупираните територии или ќе се повлечат руските сили.