Ако српската војска се врати на Косово, ОВК се закани со војна

Косовците не сакаат враќање на српската војска на Косово. 

Ветераните на ОВК реагираа на најавите дека Србија испраќа војници на Косово и велат дека ако тоа се случи ќе има војна. 

Претседателот на Организацијата на ветераните на Ослободителната војска на Косово (ОВК), Фатон Клинаку, вели дека ако се вратат 1.000 припадници на српските безбедносни сили на Косово, војната е „неизбежна“.

Претходно,  директорот на Канцеларијата на Владата на Србија за Косово, Петар Петковиќ, изјави дека Белград ќе го разгледа враќањето до 1.000 припадници на безбедносните сили на Косово.

Косовската полиција вчера објави дека во три различни случаи како што рекоа, „криминални групи“ ги нападнале со огнено оружје, на патот што води кон административниот премин Брњак. Велат затоа морале да одговорат. Со месеци наназад има тензии на Косово меѓу Србите и Албанците. Неодамна косовските полицајци одземаа вино од српско семејство. Србите се пожалија дека косовската полиција со возило влегла во двор на градинка во Лепосавиќ. Имаа и други поплаки, а претходно беа запалени неколку автомобили на косовски Срби.